budhisetiawan.net

Poe ieu saminggu katukang …

Rebun-rebun nu ngaku ki sobat geus anjog

Mawa pisang sale dua kantong, teuing kueh nanahaon sakantong

Cenah mah keur oleh-oleh

Poe ieu saminggu katukang ….

Nu ngaku ki sobat lumengis cumarita

Cenah mah keur katunggaraan

Lieuk euweuh ragap teu aya

Jadol teh …

Isukna banda kuring milu euweuh

Nu aya oge bro dibere

Sugan jeung sugan matak ngurangan tunggara

Jadol teh ..

Nepi ka panceg saminggu

Taya beja teu carita

Teu hawar hawar acan dimana ki sobat ayana …

Boa-boa ….

Ampun paralun Gusti ….

Mugi Gusti Nu Maha Welas tur Asih nembrakeun saujratna